Stefano Russo - 'A sunnambula (di Pisano - Alfieri)



Carmela é na bambola
e fa 'ammore cu me.
Ma a mamma é terribile,
nun m' 'a vo' fa' vedé...
Allora aggio truvato
nu bellu ritrovato,
Carmela fa 'a sunnambula,
pe' mme veni' a truva'...
e fa scema a mammà!
E cu 'a scusa ch'è na sunnambula
chesta bambola , neh, che fa?
tutt' 'e ssere pe' copp' a ll'asteco
vène a ll'unnece a passiggia'...
'Ncopp' a ll'asteco ce stongh'io
e lle dico: "Sto ccà pe' te..."
e a sunnambula
ch'è na bambola
fa 'a sunnambula
'mbracci' a mme!

'O pate, 'on Arcangelo,
pe' dispietto nun vo'.
Lle songo antipatico
e mm'ha ditto ca no...
Ma a me che mme ne 'mporta?
io tengo aperta a porta,
Carmela, comm' 'o solito,
me vène a cunzula'...
e fa scemo a papà!

E cu 'a scusa ch'è na sunnambula
chesta bambola , neh, che fa?
tutt' 'e ssere pe' copp' a ll'asteco
vène a ll'unnece a passiggia'...
'Ncopp' a ll'asteco ce stongh'io
e lle dico: "Sto ccà pe' te..."
e a sunnambula
ch'è na bambola
fa 'a sunnambula
'mbracci' a mme!